KUSH JEMI NE
ENGJËLL QATO
SHËRUES SHPIRTËROR
SHËRUES ALTERNATIVË
SHKENCËTAR BOTANIST
Energjia ndryshoi jetën time. E ndjeva atë në momentet e mia më të vështira. E pranova brenda qenies për të shëruar sëmundjen e pashërueshme. Atë moment isha veç unë, energjia dhe drita e universit. Jetën ja besova në dorë vetes dhe fuqisë supreme. Eca rrugëve të panjohura duke lexuar e studiuar literatura të ndryshme mbi zhvillimin spiritual.
Për fatin tim të mirë linda në Shqipëri dhe u rrita maleve të shenjta të Tomorit i lidhur ngushtë me energjinë e tyre. Hulumtova në të paprekurat e historisë së krijimit të njeriut dhe hapa portat e zemrës drejt vetes. Përjetova proçesin e transformimit të trupit dhe shpirtit tim në njëri drite, që do të thotë; të ushqehesh vetëm nëpërmjet ajrit dhe të jetosh i lidhur ngushtë me energjinë e zotit brenda teje.
Prej vitesh jam tashmë në shërbim të njerëzve me shërbime të ndryshme, madje falë profesionit tim si inxhinier agronom, biolog dhe në mjekësinë alternative. Asgjë smë bën më të lumtur në botë se të jem në shërbimin tënd, për të të ndihmuar dhe të treguar sekretin e shërimit. Më lejo të jem udhërrëfyesi yt, të ecim bashkë drejt të vërtetës, brenda dhe pertej kesaj bote.
“SA HERË TË DËGJOSH SE NJË SËMUNDJE ËSHTË E PASHËRUESHME, DIJE SE KJO NUK ËSHTË E VËRTETË. DIJE SE EKZISTON FUQIA SUPREME”.
– D Copra –
EVIS ZAJMI
LIGHT MEDIUM
LIFE- & MENTALCOACH
PEDAGOGE KOMUNIKIMI
ME MË SHUMË SE: 50.000 KONSULTIME & SEANCA SHPIRTËRORE.
PËRVOJË SHUMË VJEÇARE, MBRESËLËNËSE NË PORTALE NDËRKOMBËTARE.
AKTUALISHT E AFIRMUAR NË GJERMANI NË QUESTICO, LIBRAVITA, EV LIFEPORTALE & KRYONSCHULE
PEDAGOGE NË DREJTIMIN E PSIKOLOGJISË SË KOMUNIKIMIT, MARKETING, PROJEKT MENAXHIM DHE MARRËDHËNIE ME PUBLIKUN NË
- Pflegeschule Vfa e.V. Bonn, Köln, Euskirchen
- TBF Tertia Berufsförderung GmbH & Co. KG BONN
- Johanniter Akademi Troisdorf
PREJ VITIT 2014 AKTIVE ME VEPRIMTARINË E SAJ EDHE NË SHQIPËRI
Vizioni lindi tek une me mua. Që në fëmijërinë e hershme shikoja gjëra të pakapshme për syrin njerëzor në kohë apo hapësira të ndryshme. Jeta në Gjermani më ofroi mundësinë të zhvillojë aftësitë e mia spirituale. Prej vitesh jam trajnuar në seminare dhe shkolla mbi bionergjinë, shërimin quant, reikin dhe vizionin. Sot jam trajnere e shkollës nderkombetare Kryon në Rosenheim të Gjermanisë. Studimet e mia në artet pamore dhe shkencat e komunikimit ndikuan gjithashtu në zhvillimin dhe zbërthimin metaforik të vizioneve. Përballja me të vërtetën lakuriqe më ndihmoi të hap portat e zemrës për të kuptuar pse kemi lindur, pse jemi këtu dhe ku do të shkojmë.
Ndihem me fat për këtë aftësi që më ofroi zoti, për të parë përtej mureve se ku janë nyjet tona energjitike apo problemet karmike. Unë këshilloj absolutisht pa mjete ndihmuese dhe pa paragjykime. Jam në gjendje të njoh “modelet e sjelljes” nga fëmijëria ose jetët e mëhershme. Me lejo të jem pasqyra jote, për të lehtësuar sadopak rrugën në proçeset e shërimit, zgjidhjen e situatave të ndryshme që të rëndojnë, apo të jem udhërrëfyese e rrugës tënde drejt zhvillimit spiritual.
“VIZIONI ËSHTË INSTRUMENT I SHPIRTIT, NËPËRMJET TË CILIT MUND TË RINJIHET E VËRTETA MË E LARTË, DIREKTE, LAKURIQE, PA MBULESA DHE VELLO. VIZIONI ËSHTË NJË FUQI APO CILËSI E RREGULLIT HYJNOR”.
MISIONI YNË
ENVILIGHT, MISIONI I VETËDIJES SE RE
Misioni ynë është largpamës: të trajtojmë me energji dhe vision;
◉ shërimet spirituale për çdo sëmundje të lehtë apo të rëndë; mentale, emocionale apo fizike.
Gjithashtu çdo temë, situatë apo rrethanë të ndërlikuar në jetë.
Misioni ynë mbështet;
◉ çdo individ që kërkon shëndetin natyral, shërimin, zhvillimin shpirtëror apo balancimin e energjisë në çdo fushë të jetës.
ENVILIGHT ME NJË METODE UNIKE MË AFËR TEJE!
Energjia është esenca e shpirtit. Atë esence duhet ta ndjesh, ta pranosh dhe ta zhvillosh në inkarnacionet e tua. Energjia është drita e universit brenda teje, është pulsi i shërimit të damarëve të enjtur, të karmave të pazgjidhura. Energjia shëron trupin, mendjen, shpirtin dhe ndryshon jetën tënde, kur ajo rrjedh nëpërmjet çakrave, zgjeron aurën dhe hap portat e mbyllura drejt fuqisë supreme.
Balancimi energjik nga ENVILIGHT është një metodë e butë shëruese që mbështet fuqitë vetë-shëruese të trupit, duke reduktuar stresin dhe duke forcuar burimet mendore dhe fizike. Në një nivel të balancuar energjik, shpirti, trupi, organet dhe qelizat tona rezonojnë me dashurinë e pakushtëzuar të universit. Lidhja me këtë burim energjie na ndihmon ndër të tjera:
- për të çliruar bllokimet mendore
- për të aktivizuar fuqitë vetë-shëruese të trupit tonë
- për të aktivizuar burimin e energjisë
- dhe për të rigjetur gëzimin e jetës.
Kjo metodë shërimi funksionon dhe ne distancë.
Disa njerëz ndihen më të lidhur me të mbinatyrshmen dhe anën tjetër sesa të tjerët. Shumë prej tyre gjithashtu shpesh kanë aftësinë për të parë të ardhmen dhe për të përjetuar vizione. Medium janë njerëz që mund të kontaktojnë me botën ose qeniet shpirtërore dhe të marrin mesazhe prej tyre. Në këtë kuptim, qeniet shpirtërore nuk mund të jenë vetëm të vdekurit, por gjithashtu, engjëjt ose qenie të tjera të mbinatyrshme. Medium-i merr rolin e përkthyesit ose ndërmjetësit midis botës shpirtërore dhe asaj reale.
Vizionet janë lloji më i qartë, por edhe më i ndërlikuar i largpamësisë. Kushdo që e praktikon këtë aftësi mund të parashikojë të ardhmen me mjaft saktësi. Vizioni depërton vëzhgimin labirithve të inkarnacioneve, hedh dritë në skutat e sëmundjeve fizike, shpirtërore dhe nyjeve të pazgjidhura energjitike. Vizioni është çelësi që hap portat e karmave dhe ndihmon me energjinë shëruese në zbërthimin e tyre, është aftësi, qartësi enigmash, largpamësi që ska kufi në kohë apo hapësire. Vizioni nuk mësohet, njerëzit lindin me vizione, mjafton të shkojmë drejt vetes dhe aty do gjejmë librarinë e leksioneve hyjnore.
Ndërthurrja e energjisë me vizionin është metoda më efikase e shërimit të karmave sëmundjeve dhe normalizimit të çdo situate në jetën tonë. Nuk ka fushë, gjendje apo situatë e ndryshuar ku nuk përdoren energjia dhe vizioni.
METODA JONË
ENVILIGHT ME NJË METODE UNIKE MË AFËR TEJE!
EKSPERIENCA JONË
ENVILIGHT, SEKRETI I SHËRIMIT
Rruga drejt dritës na bashkoi në një kanal të përdorimit të dhuntive, ndërthurjen në një art unik të energjisë shëruese dhe vizionit. Kombinimi ynë i veçantë të ofron ty sekretin e shërimit. Ne të dy bashkë në rrugëtimin e gjatë në Shqipëri dhe në vende të ndryshme të Europës, me eksperienca shumëvjeçare krijuam metodën tonë të plotë, që të mundëson ecurinë e fenomeneve të lartpërmendura drejt përmirësimit dhe normalitetit të mundur në të gjitha aspektet e jetës. Aftësitë tona u shpalosen me pjekurinë spirituale dhe zhvillohen në mënyrë të pandërprerë gjatë proçeseve që trajtojmë dhe përjetojmë bashkë me ty. Energjia shëruese dhe vizionet ndezin dritën e zbehur në zemrën tënde, mjafton të jesh rrugëtar në udhëtimin drejt vetes dhe bashkë me ne do përjetosh mrekullinë e dashurisë hyjnore. Një udhëtim transformues promovon rritjen tënde personale, i jep kuptim jetës, të hap rrugën e ndryshimit dhe njohjes së vetvetes…
“PËR TË ARRITUR NË PËRJETËSI, DUHET T’I PËRSHKOSH TË GJITHA RRUGËT NË KËTË JETË!”
– Johann Wolfgang von Goethe –
Telefon 24/7
Adresa
Rruga e pallateve, Nr.291, Lapardha1. Berat Shqipëri, AL
Hello!
Click one of our contacts below to chat on WhatsApp
